Aktualitet

Gjobëvënie, vrasje, trafikim njerëzish dhe drogë/ OFL u vihet pas 4 “të fortëve” nga Tirana (Emrat)








Bëni LIKE faqen zyrtare në Facebook
               Publikuar në : 12:48 - 16/09/20 |
mapo.al

OFL u vihet pas katër “të fortëve” nga Tirana, të cilët dyshohet se kanë vendosur pasuri në sajë të gjobëvënies, vrasjeve, trafikimit të njerëzve dhe prodhimit e shitjes së drogës.


Bëhet fjalë për Nderim Markola, Durim Dervishi, Kliton Nanushi dhe Ergys Mëcuku.


Nderim Markola është dënuar për veprën penale “Vrasje në rrethana të tjera cilësuese”. Durim Dervishi, për “Shtrëngim me anë të kanosjes ose dhunës për dhënien e pasurisë”. Kliton Nanushi është dënuar për “Trafikim i personave të rritur”. Ndërsa Ergys Mëcuku, për “Prodhimi dhe shitja e narkotikëve”. 


“Të fortëve” nga Tirana u janë nisur kërkesat me shkrim për vetëdeklarimin e burimeve të pasurisë, dhe duhet t’u përgjigjen me shkrim brenda 48 orëve.


Përgjigjet e marra do t’i dërgohen SPAK-ut, për veprime të mëtejshme.

Njoftimi i OFL-së:

OFL, 16 shtator

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

N. M., banues në Tiranë, i dënuar për veprën penale “Vrasja në rrethana të tjera cilësuese”;

D. D., banues në Tiranë, i dënuar për veprën penale “Shtrëngimi me anë të kanosjes ose dhunës për dhënien e pasurisë”;

K. N., banues në Tiranë, i dënuar për veprën penale “Trafikimi i personave të rritur”;

E. M., banues në Tiranë, i dënuar për veprën penale “Prodhimi dhe shitja e narkotikëve”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

 

 


Etiketa: , , , ,

Pas