Gjykata e Lartë bën bilancin për vitin 2021, ndërsa janë në pritje për t’u gjykuar edhe mbi 35 mijë çështje.
Zvkryetari i Gjykatës së Lartë, Sokol Sadushi tregoi se gjyqtarët po punojnë me një mbingarkesë.
Për vitin 2021 janë marrë 3600 vendime. Çdo gjyqtar ka marrë vendime për 500 çështje.
“Nëse Gjykata e Lartë nuk plotësohet me 19 gjyqtarë siç është numri deri tani i miratuar nuk mund të bëjmë të pamundurën. Ne po përpiqemi të bëjmë të pamundurën.
Numri prej 500 çështjesh për çdo gjyqtar në vit është e paimagjinueshme. Nuk mund të jepen 500 vendime në vit, e megjithatë kjo gjykatë ka arritur që të shkojë në 500 vendime për çdo gjyqtar, kur e dini mjaft mirë se dosja duhet të diskutohet, shqyrtohet , shkruhet vendimi.
I bie një vendim më pak se një ditë. E rëndësishme është që Gjykata e Lartë ka përgatitur një strategji të lartë dhe me rritjen e numrit të gjyqtarëve nuk do jetë kjo gjëndje që është sot“, tha Sokol Sadushi.
Lajmi i mirë është se numri i vendimeve që janë marrë gjatë vitit 2021 është më i lartë se çështjet e regjistruara.
Bilanci
Megjithëse çështjet e reja që janë regjistruar në Gjykatën e Lartë nga 1 janari 2021 kanë arritur në2,847 (nga të cilat 1340 civile, 547 administrative dhe 960penale), numri prej 35,837 çështjesh që presin të gjykohen, janë drejtuljes.
Për vitin 2021, Gjykata e Lartë ka dhënë3,609vendime, nga të cilat 1,182 vendime administrative, 1,336 vendime civile dhe 1,091 vendime penale.
Ky numër do kishte qenë shumë më i lartë, nëse Gjykata do të kishte 9 gjyqtarët e saj nga data 1 janar, ndërkohë që deri në prill të vitit 2021 ajo ka funksionuar me vetëm 3 gjyqtarë, në periudhën prill-shtator 2021 ka funksionuar me 7 gjyqtarë dhe prej fundit të muajit shtator me 9 gjyqtarë.
Nga prill i vitit 2020, kur nisi rifunksionimi i Gjykatës së Lartë, e deri më sot, janë dhënë gjithsej 5,566 vendime.
Të ndara sipas kolegjeve nga 1 janar-28 dhjetor 2021:
Kolegji Administrativ ka dhënë gjithsej 1,182 vendime, nga të cilat janë: 1,070 vendime (965 çështje themeli, 105 kompetenca/juridiksione) dhe 112 vendime (pezullim/revokim vendimi/konstatim shkelje afati). Aktualisht ky kolegj po shqyrton çështjet e vitit 2015.
Kolegji Civil ka dhënë gjithsej 1,336 vendime, nga të cilat janë: 1,121 vendime (918 çështje themeli, 203 kompetenca/juridiksione) dhe 215 vendim(pezullim/ revokim vendimi/konstatim shkelje afati). Aktualisht ky kolegj po shqyrton çështjet e vitit 2013.
Kolegji Penal ka dhënë gjithsej 1,091 vendime, nga të cilat janë: 1,075 vendime (958 çështje themeli, 117 kompetenca/kërkesa të veçanta) dhe 16 vendime pezullim ekzekutim vendimi). Aktualisht ky kolegj po shqyrton çështjet e vitit 2017.
