Gjykata gjermane ka lënë në burg një shqiptar për kultivim kanabisi dhe trafikim të lëndëve narkotike. Gjatë bastisjes së djeshme policia sekuestroi rreth 600 bimë kanabis, si dhe u vendosën në pranga tre persona për kultivim të kanabisit dhe trafikimit të lëndëve narkotike.
Në muajin dhjetor të vitit të kaluar hetuesit gjermanë bashkë me policinë çmontuan një bandë kriminale të trafikut të kokainës dhe mariujanës që drejtohej nga shqiptarët në zonën e qytetit Essen.
Gjatë këtij aksioni u kapën edhe 240 mijë euro cash dhe 70 kilogramë marijuanë, mbi një kilogram kokainë dhe mbi 100 gramë amfetaminë. Policia gjeti edhe armë në ndërtesën e organizatës kriminale ndërsa autori kryesor shqiptar ishte një 34-vjeçar dhe dy të dyshuar të tjerë (shqiptar dhe gjermano-maroken) u arrestuan në vend, në bazë të urdhrave të arrestit paraprak të nxjerrë nga prokuroria.
