Moisi Habilaj është dënuar përfundimisht me 15 vite e 5 muaj burg nga drejtësia italiane.
Sipas mediave italiane, Gjykata e Lartë italiane ka rrëzuar kërkesën, duke lënë në fuqi dënimin ekzistues.
Habilaj akuzohet për trafikim të lëndëve narkotike dhe grupit të strukturuar kriminal.
Kujtojmë se ai u arrestua në vitin 2017 nga policia italiane së bashku me 11 persona të tjerë, të cilët kryenin transportin e drogës nga Shqipëria në Siçili.
Pas arrestimit të tij hetimi u zgjerua më tej duke përfshirë edhe ish-ministrin e Brendshëm, Saimir Tahiri.
Ky i fundit ndodhet në burg duke vuajtur dënimin.