10 burrat që u arrestuan të dielën në protestën e Astirit janë liruar sot nga Gjykata Penale e Tiranës.
Prokurori, bazuar në materialet e paraqitura nga Policia kërkoi masën e sigurisë “arrest me burg”, por gjykatësi vendosi të caktojë masën “detyrim paraqitje” për 10 protestuesit, mes tyre ish-deputeti demokrat, Klevis Balliu.
Vendimi i gjykatës për të liruar protestuesit, është pritur me entuziazëm jashtë gjykatës, aty ku qendronin të tjerë banorë të Astirit. Në mbështetje të tyre është dhe ish-deputeti Flamur Noka. Ai u shpreh për mediat se Klevis Balliu dhe banorët e Asitirit janë vendosur në shenjester nga Rama pasi i prishën planin për të vjedhur miliona euro në këtë segment rrugor.
“Saga e persekutimit nga ana e qeverisë vazhdon. Fakti që sot jemi të gjithë para gjykatës në pritje të së drejtës së këtyre banorëve tregojnë se hakmarrja e kësaj qeverie dhe Edi Ramës ndaj Klevis Balliut dhe banorëve që i hoqën një aferë korruptive nga duart vazhdon. Me sa duket nuk ka të ndalur kjo hakmarrje. Banorët e Unazës së Re dhe deputeti Balliu përndiqen nga ana tjetër nuk ka asnjë para drejtësisë nga ata që organizuan këtë megavjedhje dhe këtë megaskandal. Sado përpiqet Edi Rama të nënshtrojë banorët e Unazës së Re do ta ketë të pamundur. Kanë kauzën më të drejtë. Protesta e tyre do të vazhdojë, është e ligjshme. Fakti që janë përpjekur t’i akuzojnë për bllokim rrugësh është faji i policisë që nuk ka marrë masa”, deklaroi Noka.
Kujtojmë se arrestimet u kryen të dielën pasdite në zonën e Astirit tek Unaza e Re, ku banorët protestojnë kundër shembjes së banesave të tyre. Ata akuzohen për bllokimin e segmentit rrugor nga Dogana deri tek Pallati me Shigjeta. Protesta vazhdon prej 1 viti, por ndërhyrja e policisë është bërë e ashpër pas ndyrshimeve në Kodin Penal, ku “bllokimi i rrugëve” është veper penale që dënohet deri në 6 vite burgim. /Mapo.al
10 protestuesit e liruar sot nga gjykata:
Klevis Balliu
Rruzhdi Maqinaj
Safet Maksuti
Benard Nezha
Kujtim Ylli
Bajram Noka
Agron Thaçi
Artan Muçmata
Dritan Noku
Andi Sharra
Lexo edhe:
Qindra policë tek Astiri për të mbrojtur erzin e qeverisë, jo rrugën
Etiketa: astir, banorë, detyrim paraqitje, Flamur Noka, Gjykata, Klevis Balliu, lirim, mase sigurie, protesta, protestues, unaza e re
