Gjykata e Rrethit Gjyqësor të Elbasanit ka shpallur të ligjshëm mandatin vendor të kryebashkiakut të ri të Përrenjasit, Nuri Belba. Marrja zyrtare e detyrës paraprihet nga konstatimi i këshillave bashkiakë dhe betimi i kryetarëve të rinj.
Por mandatet e Këshillave Bashkiakë ende nuk janë konfirmuar sepse duhen të konfirmohen nga Kolegji Zgjedhor më parë. Kjo për arsyen se KQZ-ja nuk ka arritur kuorumin e nevojshëm prej 5 anëtarësh.
Mandati i kryebashkiakut të Përrenjasit është mandati i katërt, nga shtatë, në Qarkun e Elbasanit të konfirmuar nga Gjykata, për fituesit të zgjedhjeve të 30 qershorit. Nga ana tjetër, Gjykata e Beratit ka legjitimuar mandatin e kryetarit të bashkisë Berat, Ervin Demo.
Më tej Gjykata e Rrethit Gjyqësor Dibër dhe Bulqizë i kanë shpallur të ligjshëm mandatet vendore Lefter Allës dhe Dionis Imerajt.
Etiketa: Berat, Gjykata, mandati, Prrenjas
