Sipas zëdhënësit të administratës ushtarake në Odesa, anija e goditur ruse quhet “Vsevolod Bobrov” e cila tashmë është përfshirë nga flakët.
Ende nuk dihet nëse ka pasur viktima nga sulmi ukrainas ndaj anijes luftarake ruse, apo mënyra sesi e bombardoi, por mësohet se ajo tashmë ka mbetur shumë pranë brigjeve të ishullit të Gjarpërinjve.
Ushtria ukrainas në bilancin e saj të fundit të luftës së nisur më 24 shkurt, bën me dije se ka vrarë më shumë se 26 mijë ushtarë rusë, si dhe ka shkatërruar qindra e mijëra mjete ushtarake, duke përfshirë këtu avionë, helikopter, anije, mes të cilave dhe krenarinë e Rusisë, luftanije “Moskva”.
