Para votimit të kabinetit të qeverisë dhe programit për mandatin e tretë, kryeministri Edi Rama ka mbajtur fjalën përmbyllëse duke treguar disa nga prioritete dhe duke bërë një përmbledhje të problemeve me të cilat u ndesh qeveria “Rama 2”.
Mirëpo fjala e tij është ndërprerë disa herë nga gongu për mbarimin e fjalimit. Herën e dytë, Rama i është kthyer Lindita Nikollës që ta ndërpresë këtë sinjal derisa ai të përfundojë deklaratën e tij.
“Nuk mund të përmbushën 100% programin tënd në rast se kur ti je duke punuar me X prioritete ty të vjen virusi dhe ti duhet të ndryshosh prioritete dhe duhet të spostosh volume të ardhurash për një prioritet që ti nuk e kishe menduar.
Unë them që programi ynë (bie gongu) që votohet sot është një program që synon të jetë 100% i realizuar të paktën në ato pjesë që kanë të bëjnë me projekte të mëdha, luftën deri në fund me pandeminë (bie gongu), lëre tani kujt po ja bën këtë…”, u shpreh Rama.
Etiketa: Edi Rama, fjalimi, gongu, Lindita Nikolla, Video
