Aktualitet

Grabitën kambistin në Tiranë, identifikohen autorët, 1 në pranga 2 në kërkim














Bëni LIKE faqen zyrtare në Facebook
               Publikuar në : 09:59 - 06/05/21 |
mapo.al

Policia e Tiranës ka bërë të mundur identifikimin dhe kapjen e autorëve të grabitjes së një pike valute.






Ngjarja e ndodhur dy ditë më parë në rrugën “Mihal Duri”, në kryeqytet, ku shtetasit R. S., 22 vjeç,  M. Gj., 26 vjeç, M. B., 26 vjeç, të tre të akuzuar për vjedhje më parë,  i morën me dhunë 3 milion lekë të rinj punonjësit të një pike valute, shtetasit Q. Z., 60 vjeç.


Në sajë të këtij operacioni, policia e Tiranës ka bërë të mundur sekuestrimin e shumës së parave nga grabitësit, ndërkohë që materialet i kaluan Prokurorisë pranë Gjykatës së Rrethit Gjyqësor Tiranë, për veprën penale “Vjedhja me dhunë” kryer në bashkëpunim.







Njoftimi zyrtar



Tiranë



Finalizohet operacioni policor i koduar “Valuta”.

Operacioni i zhvilluar nga Komisariati i Policisë Nr. 3, në bashkëpunim me Sektorin e Krimeve ndaj Jetës dhe Pronës në DVP Tiranë, nën drejtimin e Prokurorisë pranë Gjykatës së Shkallës së Parë Tiranë.

Zbardhet dhe dokumentohet në kohë rekord ngjarja e ndodhur më datë 04.05.2021, në rrugën “Mihal Duri”, ku 3 shtetas i vodhën me dhunë 3.000.000 lekë të rinj, punonjësit të një pike valute.

Arrestohet në flagrancë njëri prej autorëve të dyshuar të kësaj ngjarjeje.

Identifikohen dhe shpallen në kërkim dy nga bashkëpunëtorët, me precedent të mëparshëm penal.

Sekuestrohet në cilësinë e provës materiale shuma e parave të vjedhura nga këta 3 shtetas.

Në vijim të punës të pandërprerë hetimore për zbardhjen dhe dokumentimin e ngjarjes së ndodhur më datë 04.05.2021, në rrugën “Mihal Duri”, ku 3 shtetas i vodhën me dhunë shumën prej 3.000.000 lekësh të rinj, shtetasit Q. Z., 60 vjeç, punonjës i një pike valute, specialistët për Hetimin e Krimeve në Komisariatin e Policisë Nr. 3, në bashkëpunim me specialistët e Sektorit e Krimit ndaj Jetës dhe Pronës,nën drejtimin e Prokurorisë pranë Gjykatës së Shkallës së Parë Tiranë, zhvilluan dhe finalizuan me sukses operacionin policor të koduar “Valuta”, si rezultat e të cilit bënë arrestimin në flagrancë të shtetasit R. S., 22 vjeç, i dënuar më parë për vjedhje.

Gjithashtu u shpallën në kërkim shtetasit M. Gj., 26 vjeç, i dënuar më parë për vjedhje dhe  M. B.(B)., 26 vjeç, i dënuar më parë për plagosje të rëndë.

Vijon puna për kapjen e shtetasve të shpallur në kërkim, të cilët kanë qenë dy personat që ndodheshin me motor në momentin që ka ndodhur ngjarja, ndërsa shtetasi R. S. (i arrestuar) i ka ndihmuar duke i informuar për lëvizjet e të dëmtuarit.

Materialet në ngarkim të tyre i kaluan Prokurorisë pranë Gjykatës së Rrethit Gjyqësor Tiranë, për veprën penale “Vjedhja me dhunë” kryer në bashkëpunim.

1


Etiketa: ,

Pas