Banesa e yllit portugez,, Kristiano Ronaldo është grabitur nga një hajdut.
Ngjarja ka ndodhur ditën e dieshme në Madeira teksa futbollisti i njohur ishte në fushë duke luajtur me përfaqësuesen e tij kundër Spanjës.
Grabitësi përfitoi që në vilë nuk kishte asnjë njeri dhe hyri nga garazhi. Pasi u fut në shtëpinë e 35-vjeçarit, grabitësi u largua nga ajo duke marrë disa gjëra me vlerë jo shumë të madhe.
Mediat e huaja bëjnë me dije se hajduti kur u largua mori një bluzë të Juventusit me emrin e Ronaldos, e cila kishte pikërisht autografin e sulmuesit.
Policia lokale ka identifikuar dhe arrestuar autorin, i cili u fiksua nga kamerat e sigurisë së banesës.
