Ish i dërguari i ish-presidentit Trump për Dialogun Kosovë-Serbi, Richard Grenell ka nderuar ata që i quan si heronjtë e Vidovdanit përme snjë postimi në Twitter.
Ai shkruan se më 28 qershor 1389, në kosovë filloi beteja kundër otomanëve si dhe shtoi se përkujton martirët e shenjtë serbë dhe Shën Car Lazarin.
Reagimet
Ish-ambasadorja e Kosovës në SHBA,Vlora Çitaku, me anë të një postimi në llogarinë e saj në Twitter, ka thënë se Beteja e Kosovës nuk ishte e serbëve dhe në të mori pjesë ushtria Ballkanase kundër Perandorisë Osmane.
E ky reagim i Çitakut duket se nuk i ka pëlqyer Grenell, i cili ka replikuar në Twitter. Grenell ka thënë se njerëzit kanë nevojë për punë e zgjidhje.
“Ju ofendoni shumë. Duhet të jetë e lodhshme gjetja e një inati në gjithçka. Njerëzit duan punë dhe zgjidhje – zgjasni dorën”, ka shkruar Grenell.
Në përgjigje ndaj tij, ish-ambasadorja Çitaku është shprehur se edhe ajo dëshiron punë dhe zgjidhje, por që qëndrimi i tij për Betejën e Kosovës ishte historikisht i pasaktë.
“Edhe unë dua punë dhe zgjidhje! Por deklarata më poshtë ishte thjesht historikisht e pasaktë! Paqe”, ka shkruar Çitaku.
Behgjet Pacolli
Edhe ish-kryediplomati Behgjet Pacolli shtoi se Grenelli ishte keqinformuar për ngjarjen, ndërsa më i ashpër u tregua analisti Enver Robelli.
“Paska folur si mitingash në tubimin e Sllobodan Millosheviqit në Gazimestan më 28 qershor 1989. I paska përkujtuar «heronjtë e Vidovdanit», «betejën kundër otomanëve», «martirët e shenjtë serbë» dhe «Shën Car Lazarin». Grenelli po luan rolin e propagandistit serbomadh, të shërbëtorit të Aleksandar Vuçiçit dhe manipuluesit të historisë,” shkroi Robelli në Facebook.
Serbët peligrinazh në Kosovë
Rreth 1 mijë serbë nga Kosova, Serbia dhe vende të rajonit u mblodhën të hënën në Gazimestan, rreth 15 km larg Prishtinës, për të shënuar atë që ata e quajnë ditën kombëtare.
Një shërbesë përkujtimore mbajti edhe kreu i Kishës Ortodokse Serbe, Porfirije, duke thënë se “ne i shohim shqiptarët si vëllezërit tanë”.
Ndërkohë në Gazimestan, më 28 qershor 1989, ish-presidenti serb, Milosheviç, e përdori ditën e shënuar për të paralajmëruar edhe ndërhyrje të armatosura kundër shqiptarëve të Kosovës dhe rebelëve të tjerë në shtetet ish-jugosllave.
Enver Robelli
Lidhur me këtë status të Grenell ka reaguar edhe analisti Enver Robelli i cili shkruan se Grenell ka folur si me qenë mitingash në tubimin e Sllobodan Millosheviqit në Gazimestan më 28 qershor 1989.
Ai shkruan se më 28 qershor 2021 Grenell luan rolin e propagandistit serbomadh dhe se ëhstë një injorant që nuk merr vesh asgjë nga historia, por luan rolin e shërbëtorit të Aleksandar Vuçiqit.
“Paska folë Richard Grenelli në Tëitter si me qenë mitingash në tubimin e Sllobodan Millosheviqit në Gazimestan më 28 qershor 1989. I paska përkujtuar «heronjtë e Vidovdanit», «betejën kundër otomanëve», «martirët e shenjtë serbë» dhe «Shën Car Lazarin». Po të qëllonte Grenelli në Gazimestan më 1989, do t’i bashkohej nacionalistëve serbë në bartjen e eshtrave të Car Lazarit nëpër «vendet serbe». Më 28 qershor 2021 Grenell luan rolin e propagandistit serbomadh. Një injorant që nuk merr vesh asgjë nga historia, por luan rolin e shërbëtorit të Aleksandar Vuçiqit dhe manipuluesit të historisë. Mos të harrojmë: Richard Grenelli është dekoruar nga një president i Kosovës me Medaljen Presidenciale të Meritave. Sa i përket historisë: Beteja e Kosovës e vitit 1389 nuk është vendimtare për fatin e Ballkanit. Vendimtare është Beteja e Dytë e vitit 1447 e Mbretërisë Hungareze kundër Perandorisë Osmane. Në atë betejë serbët nuk morën pjesë, ata ishin vasalë të Sulltanit. Por një propagandisti të së djathtës ekstreme amerikane kjo nuk i intereson. Para një viti ky dëshironte të zgjidhte konfliktin mes Kosovës dhe Serbisë“.
