Greqia nuk do të hapet pas datës 30 nëntor, siç ishte njoftuar më herët, kur u rikthye karantina totale.
“Lockdown” do të jetë në fuqi kështu edhe gjatë dhjetorit. Ky vendim ka ardhur pas rritjes së frikshme të rasteve të reja me koronavirus gjatë ditëve të fundit, edhe pse i gjithë vendi është në karantinë.
Me vendim të qeverisë greke janë mbyllur baret, restorantet dhe klubet e natës. Gjithashtu, lëvizja e qytetarëve bëhet sipas orës policore.
Njëkohësisht, qeveria greke ka njoftuar se ka miratuar një tjetër paketë ekonomike prej 7.5 miliardë euro, për t’i ardhur në ndihmë biznesit të prekur nga masat anti-COVID.
