Deputetja e Partisë Demokratike, Grida Duma, preferoi të mbetej në rolin e asnjanëses, por shprehu besimin se e djathta do të ringrihet. Ajo tha se do të ringrihet nga nevoja, duke u bërë të rinjve të talentuar të përfshihen në politikë, teksa shtoi se të paaftët nuk i duan.
“Prodhoi dhe ka ata ndjekës që ka, e dija, të gjithë e dinë”
“Rruga ka dy sfida, ndasinë e tanishme dhe marrëdhëniet me partnerët strategjikë të huaj”.
“Demokratët treguan se e kanë të vështirë të shkëputen nga Berisha”.
“Për mua shqetësimi është si ta bëjmë PD-në të madhe”.
Grida Duma beson se opozita do të ringrihet. Ajo e pati të vështirë të mbajë një qëndrim, se me cilin anë qëndron, me grupin Alibeaj, apo me atë të Rithemelimit, me Berishën.
“Demokratët, shumica, janë aktualisht duke reflektuar si ta bëjmë të madhe PD-në”.
Ajo thotë se kërkohet më tepër aftësi dhe përgjegjësi. Grida Duma përmendi faktin se është gruaja më e votuar në PD, edhe pse e çuan në periferi, por u largua bashkë me Gjenmarkaj.
“Një kal zëvendësohet me një gomar lehtësisht”, tha ajo duke përdorur një metaforë.
Megjithatë, pavarësisht situatës aktuale, për të cilën rënia e opozitës nisi pas rënies nga pushteti, ajo thotë se koha do ta ringrejë të djathtë nga nevoja.
“Do të ketë një bashkim dhe nevoja do të na çojë drejt një bashkimi”, theksoi me bindje Grida Duma.
Grida Duma u shpreh pro edhe protestave.
Ajo u bëri thirre të rinjve të përfshihen masivisht në politikë, nëse nuk e duan klasën aktuale. “Mungesa e protestave është një problem i madh. Politika nuk është punë. Nëse të rinjtë duan ndryshim, para se të protestojnë, duhet të kenë një udhëheqje për të arritur objektivin. Por nëse qëndrojnë larg politikës, e kanë të pamundur të arrijnë atë që kërkojnë”, theksoi Grida Duma, e cila pranoi se nevoja, mosbesimi dhe nga ana tjetër mungesa e protestave ndaj padrejtësive janë një problem i madh për demokracinë tonë. /Liberale.al/
