Nënkryetarja e Partisë Demokratike Grida Duma ka deklaruar në një dalje për mediat se në datën 19 Shkurt do të zgjidhet kryetarja e re e Lidhjes Demokratike të Gruas. Ajo tha se ajo vetë si dhe grupi i punës për organizimin e këtij procesi do të përjashtohen nga gara për të shmangur konfliktin e interesit.
“Jam këtu me dy koleget e mua për të komunikuar për fazën vijuese që do të përfundojë me 19 shkurt me zgjedhjen e Lidhjes Demokratike të Gruas.Është e nevojshme ta bëjmë këtë komunikim me publikun për shkak se kjo është fillesa e një sistemi që siguron garë. Lidhja e Gruas ka pasur një histori suksesi.
Disa prej tyre kanë qenë pjesë e konsultave të grupeve të punës. Ne jemi të përjashtuara nga gara për Lidhjen Demokratike të Gruas për të shmangur konfliktin e interesit.
Për një periudhë që fillon nga data 5 Janar, procesi më i rëndësishëm ka të bëjë me analizën dhe performancën si dhe anëtarësimet e reja. Ka pasur gra kryetare që pavarësisht mungesës së rregullave të lojës kanë ditur të jenë luajale dhe do të gjejnë mbështetjen dhe promovimin për shumë elementë të sakrificës së tyre.
Në datë 6 shkurt do zhvillohen zgjedhjet në gjithë Shqipërinë për kryetare të LDG. Pas datës 6 do të hapet një fushatë në nivel qarku për garë përmes debatit për të shkuar në datën 19 shkurt që do të kulmojë me kryetaren e Lidhjes Demokratike të Gruas”, u shpreh Grida Duma.
