Një grua ka mbuluar 96 për qind të trupit të saj me tatuazhe vetëm pasi u divorcua nga bashkëshorti i saj, i cili nuk ishte i interesuar që ajo bënte tatuazhe.
Adrianna Eisenbach është 52-vjeçë dhe deri në moshën 48-vjeçare ajo nuk kishte asnjë tatuazh në trupin e saj .
Sot, Adrianna është e mbuluar nga koka te këmbët me tatuazhe. Ajo ka të vizatuara lule në ballë, një model fraktal në të gjithë trupin e saj dhe vepra arti të ndërlikuara në të dyja duart.
Në Poloni 52-vjeçarja njihet si “mbretëresha e skandalit”, ajo ka qenë gjithmonë një adhuruese e tatuazheve. Sapo është ndarë burri i saj sepse atij nuk i pëlqente ideja që ajo të dekoronte lëkurën e saj me tatuazhe.
Tani tatuazhet mbulojnë 96.05% të trupit të saj, duke përfshirë kokën dhe pjesën e poshtme të këmbëve. Ajo tha se përfundimisht do të dëshironte të kishte diçka speciale si tatuazh në fytyrën e saj, por ajo është e vetëdijshme se sa e dhimbshme mund të jetë kjo.
Duke folur më parë, Adrianna tha: “Pyetjet janë ende nëse do të ndaloj ndonjëherë [të bëj tatuazhe], por do të them se dua të bëj diçka më shumë.
Adrianna aktualisht është në lidhje me David Zlatan, një djalë i cili është mbi 30 vjet më i ri se ajo.
Në rrjetet sociale çifti ndjehet si familje mbretërore, Adrianna i referohet vetes si “mbretëresha e skandalit” në Instagram , David e quan veten “mbreti i skandalit”.
Adrianna thotë se i pëlqen të takohet me një burrë më të ri në moshë sepse “ai nuk është i shkatërruar dhe i dëmtuar mendërisht nga marrëdhëniet e mëparshme”.
Lidhja e re e Adriannes vjen pasi ajo u largua nga bashkëshorti pas 25 vitesh martesë.
Ajo thotë se martesa e tyre mori fund sepse bashkëshorti i saj donte që ajo të qëndronte në shtëpi dhe të kujdesej për familjen, në vend që të dilte.
Adrianna i tha Gazetës Wroclawska: “Unë u kujdesa për burrin dhe djemtë e mi gjatë gjithë martesës sime … Larja, pastrimi, gatimi, pjekja e ëmbëlsirave të përditshme.
“Kur fëmijët u rritën, unë doja të shkoja në punë. Burri nuk ishte i dakord. Këtu filluan grindjet në çift.”
Përshtati Libarale.al
