Përpara fillimit të seancës plenare, Partia Socialiste mblodhi Grupin Parlamentar ku u ndanë porositë e fundit për ligjvënësit e mazhorancës.
Taulant Balla mori mbështetjen e deputetëve socialistë për drejtimin e Grupit Parlamentar. Balla mori 72 vota pro, asnjë kundër dhe asnjë abstenim. Bie në sy mungesa e dy deputetëve në këtë mbledhje të grupit parlamentar.
Partia Socialiste arriti të marrë e vetme 74 deputet ënë zgjedhjet parlamentare të 25 prillit 2021.
Teksa prezantoi emrat e rinj të kabinetit qeveritar “Rama 3”, kryeministri Edi Rama njoftoi ndryshimet edhe në Sekretariatin e PS.
Taulant Balla i liroi vendin Damian Gjiknurit si Sekretar i Përgjithshëm dhe kjo lëvizje u cilësua si ulje në detyrë për Ballën, deputetin më të votuar në 25 prill, me mbi 21 mijë vota.
Gjithashtu, Balla u lëviz edhe nga drejtues Qarku në zonën e tij elektrale në Elbasan, duke u dërguar në Fier. Në vend të tij në Elbasan, vendin e zuri sërish Damian Gjiknuri i cili do të jetë i preferuari i kryeministrit për këtë mandat politik dhe qeverisës.
Etiketa: grupi parlamentar, grupi parlamentar i ps, PS, Taulant Balla
