Borusia Dortmund e ka nisur me këmbë të mbarë eksperiencën në fazën e grupeve të UEFA Champions League.
Skuadra gjermane bëri detyrat në transfertën turke të Besiktas, teksa triumfoi me shifrat e pastra 2-0. Një sfidë e vendosur që në pjesën e parë. Belingam kaloi në epërsi verdhezinjtë.
Hëland dyfishoi shifrat në fundin e pjesës së parë, rezultat që mbeti në fuqi deri në fund. Norvegjezi nuk di të ndalet së shënuari dhe këtë e bën edhe përballë turqëve, që pavarësisht tentativave nuk arriti të shënojë golin e nderit.
Surpriza erdhi nga Izraeli, aty ku Sherifi i Tiraspolit mori 3 pikët ndaj Shaktar Donetsk. Kundërshtari i Teutës në raundet eliminatore dominoi ndaj rivalëve ukrainas, duke regjistruar fitore me shifrat 2-0.
Nga një gol për një pjesë i dha pikë të plota Sherifit, që tashmë hedh një hap të madh drejt raundeve të tjera në Kupat e Europës, edhe pse rivalët janë më të fortë se kurrë.
