Një sasi e madhe e-mailesh që janë dërguar në adresë të kryeministrit Edi Rama janë bërë publike/
Dyshohet se ato janë publikuar nga grupi i hakerave që sulmoi serverat e shtetit shqiptar disa ditë më parë.
E-mailet drejtuar Ramës janë kryesisht ankesa nga qytetarë, biznesmenë apo edhe punonjës të administratës. Databaza e publikuar në “Zip” përmban 985 e-maile nga kutia e “inbox”-it të kryeministrit Rama.
Grupi i hakerave dyshohet se gjatë sulmit kibernetik ka arritur të kopjojë databazat e shtetit shqiptar me e-maile por edhe dokumente të ndryshme zyrtare, certifikata e dokumente të tjera.
