Aktualitet

“Hape derën, policia” – Tentuan të vjedhin me armë banesën, në pranga 5 persona








Bëni LIKE faqen zyrtare në Facebook
               Publikuar në : 08:35 - 27/10/20 |
mapo.al

Vlorë – Pesë persona janë arrestuar nga policia pasi dyshohet se kanë tentuar të vjedhin një banesë në fshatin Kropisht, Selenicë.



Bëhet fjalë për Alfred Shametaj (31 vjeç), Ervin Dhima (39 vjeç), Lulëzim Elmazaj (29 vjeç) dhe Endrit Sinaj (26 vjeç).


Ata dyshohet se kanë tentuar të vjedhin banesën e Fidel Çaushajt, duke u prezantuar si punonjës policie dhe nën kërcënimin e armëve.



Policia ka sekuestruar në cilësinë e provës materiale dy automjete tip “Benz” dhe “Nissan”, me të cilin udhëtonte Alfred Shametaj në momentin e kapjes nga Policia, si dhe tre aparate celularë.


Materialet do t’i kalojnë Prokurorisë së Rrethit Gjyqësorë Vlorë, për veprime të mëtejshme.


Ndaj pesë të arrestuarve rëndojnë tashmë akuzat për për veprat penale “Vjedhje me armë” e mbetur në tentativë, e kryer në bashkëpunim dhe “Mbajtja pa leje e armëve luftarake dhe e municionit”.

Njoftimi i Policisë:

Zbardhet në kohë rekord tentativa për vjedhje në fshatin Kropisht, Selenicë. Falë veprimeve të shpejta dhe profesionale identifikohen, lokalizohen dhe arrestohen pesë autorët e dyshuar të ngjarjes. Sekuestrohen në cilësinë e provës materiale 2 automjete. Vijon puna nga shërbimet e Policisë për gjetjen e armës me të cilën autorët do kryenin vjedhjen.

Në vijim të punës për zbardhjen e ngjarjes së ndodhur dy ditë më parë në fshatin Kropisht, Selenicë, ku persona të maskuar dhe të armatosur, duke u prezantuar si punonjës policie, kanë tentuar të vjedhin nën kërcënimin e armëve në banesën e shtetasit F. C., menjëherë, pas marrjes së informacionit për ngjarjen e ndodhur, nga Drejtoria Vendore e Policisë Vlorë u ngrit grupi hetimor, nën drejtimin e Prokurorisë së Rrethit Gjyqësor Vlorë.

Falë reagimit në kohë, veprimeve të shpejta profesionale dhe informacioneve të siguruara në rrugë operative, nga specialistët për Hetimin e Krimeve ndaj pronës në DVP Vlorë, në bashkëpunim me specialistët për Hetimin e Krimit në Komisariatin e Policisë Vlorë dhe ata Stacionit të Policisë Selenicë u bë i mundur identifikimi i autorëve të kësaj ngjarjeje dhe menjëherë u organizua puna për lokalizimin dhe kapjen e tyre.

Si rezultat, në Selenicë dhe në Vlorë u bë e mundur kapja dhe arrestimi i pesë autorëve të dyshuar të kësaj ngjarjeje, konkretisht: A. Sh., 31 vjeç, L. E., 29 vjeç, E. S., 26 vjeç, E. M., 34 vjeç, banues në Selenicë dhe E. Dh., 39 vjeç, banues në Vlorë.

Në cilësinë e provës materiale Policia ka sekuestruar dy automjete, automjetin e markës “Benz” me të cilin u larguan autorët dhe automjetin e markës “Nissan” me të cilin udhëtonte shtetasi A. Sh. në momentin e kapjes nga Policia, tre aparate celularë dhe prova të tjera materiale.

Materialet do t’i kalojnë Prokurorisë së Rrethit Gjyqësorë Vlorë, për veprime të mëtejshme, për veprat penale “Vjedhje me armë” e mbetur në tentativë, e kryer në bashkëpunim dhe “Mbajtja pa leje e armëve luftarake dhe e municionit”, njofton policia.


Etiketa: , ,

CLOSE
CLOSE
Pas