Gjithë bota është tashmë në alarm nga koronavirusi, që po përhapet me shpejtësi të madhe duke lënë gjithnjë e më shumë të infektuar e duke rritur edhe bilancin tragjik të viktimave.
Në një grafikë të fundit të publikuar nga Daily Mail mund të shihni përhapjen e frikshme të virusit që vazhdon të marrë jetë njerëzish. Deri më tani janë të infektuar mbi 97 mijë persona dhe ka lënë pas mbi 3300 viktima.
Koronavirusi është zgjeruar në më shumë se 80 vende të botës, shtetet raportojnë përditë raste të reja, ndërkohë që SHBA, ku numri i vdekjeve ka arritur në 12, ka pranuar se kombi ka mungesë të provave për koronavirusin.
Nënkryetari Mike Pence tha se administrata Trump nuk do të jetë në gjendje të përmbushë objektivin e saj për të ofruar një milion komplete testimi këtë javë.
