Aktualitet

Haxhinasto: Ndryshimet në Kod do të ulin aksidentet





Bëni LIKE faqen zyrtare në Facebook
               Publikuar në : 10:13 - 29/10/14 |
mapo.al

Ministri i Transportit shpjegoi në komision amendimet e Kodit Rrugor. “Testi psikofizik për drejtuesit e ardhshëm të makinave është domosdoshmëri


haxhinastoMinistri i Transporteve dhe Infrastrukturës, Edmond Haxhinasto paraqiti rëndësinë e ndryshimeve në Kodin Rrugor, gjatë seancës dëgjimore së ditës së djeshme në komisionin parlamentar për Veprimtarinë Prodhuese. Amendimet e Kodit Rrugor në diskutim janë pjesë e Planit Kombëtar të Sigurisë Rrugore, të miratuar në janar të këtij viti dhe synojnë rritjen e sigurimit në rrugë, forcimin për respektimin e ligjit dhe zbatueshmërinë e tij dhe mbrojtjen e pronës publike.                                                                                                                                  Haxhinasto tha më tej se të gjitha këto elemente të ndërmarra në këtë iniciativë shkojnë në drejtim të forcimit të zbatueshmërisë së ligjit, të sjelljes sonë civile në përputhshmëri me ligjin dhe pa diskutim të rritjes së qytetarisë dhe të sjelljes si europianë, që po synohet të realizohet. “Masat e parashikuara për prishjen e sinjalistikës janë të domosdoshme dhe emergjente, pasi sot përballemi me vjedhjen e sinjalistikës, prishjen e saj, ndërhyrjen nga biznesi përmes reklamave në mënyrë abuzive dhe të paligjshme. Sinjalistika e dëmtuar sjell uljen e sigurisë për jetën e njerëzve”,- vijoi ministri Haxhinasto. Gjatë interpelancës dhe pyetjeve të deputetëve të pranishëm në Komision,  Haxhinasto nënvizoi se “ulja rreth 20% e aksidenteve me vdekshmëri krahasuar me 1 vit më parë tregon një trend pozitiv çka sjell besimin, se kjo paketë masash pas kalimit të ligjit do të përmirësojë shifrat aktuale të aksidenteve me pasojë vdekjen ose aksidenteve të rënda”. “Testi psikofizik për drejtuesit e ardhshëm të automjeteve, si ndryshim i propozuar është domosdoshmëri”, – tha ai. Ministri Haxhinasto theksoi në fund të fjalës së tij se: “nuk mund t’i referohemi kësaj pakete të propozuar në këtë ligj si ligji i gjobave. Çdo masë e propozuar për ndryshimin e këtij ligji ka qëllimin e vetëm të rrisë sigurinë e qytetarëve. Siguria rrugore nuk është një koncept abstrakt, ajo është jeta e njerëzve”-përfundoi ministri i Transporteve.






Pas