Ishte heroi i Shqipërisë përballë Hungarisë, pasi shënoi golin vendimtar të ndeshjes sapo hyri në fushë.
Armando Broja tregon në intervistën pas ndeshjes se është shumë krenar për fanellën kuqezi.
“Shumë krenar për këtë fanellë, për këtë ekip. Ka qenë një ndeshje shumë e rëndësishme, na duheshin patjetër tri pikët. Me aktivizoi trajneri në fund dhe shyqyr që shënona. Goli vjen atëherë kur do vetë, është më e rëndësishme të marrësh tri pikët. Ekipi vjen para individit. Jam një lojtar që ka nevojë për minuta, por ekipi është shumë më i rëndësishëm”.
Ishte 19-vjeçari i Chelsea i cili ngriti në këmbë tifozerinë në “Elbasan Arena” kur në minutën e 87 gjuajti fort me të djathtën, duke çuar topin në rrjetë. 1:0 dhe Shqipëria shijon kështu fitoren e parë ndaj hungarezëve në histori.
Madje, goli i shënuar nga Armando Broja mbart një tjetër rëndësi të veçantë, pasi për herë të parë kuqezinjë i shënojnë Hungarisë, ndërsa ka pësuar 19 gola. Hungaria i ka shkaktuar edhe humbjen më të thellë në histori Shqipërisë, 12:0.
