“Ne kemi një vit të mrekullueshëm përpara nesh!”, – kjo frazë e ëmbël dhe e thjeshtë, e shkruar nga mësuesja e klasës së katërt, Eva Mireles në fillim të vitit shkollor, është tashmë veçse se një mesazh përkujtimor .
Të enjten, ditën e fundit të shkollës, ajo dhe mësuesja tjetër Irma Garcia duhet të përgatisnin klasën e tyre në qytetin e vogël Teksan të Uvalde për pushimet verore.
Në vend të kësaj, familjet e tyre po bëjnë organizime funerali, pasi ata u qëlluan nga të shtëna masive, ku u vranë 19 nga studentët e tyre.
Trimëria dhe guximi i Garcias dhe zonjës Mireles është vlerësuar nga të gjithë. Dy mësueset janë parë duke u përpjekur të mbrojnë nxënësit e tyre nga plumbat.
Garcia u gjet nga oficerët “duke mbajtur fëmijët në krahë deri në frymën e fundit”, është shprehur nipi i saj John Martinez për New York Times.
“Ajo sakrifikoi veten duke mbrojtur fëmijët në klasën e saj. Ajo ishte një heroinë”, shkroi John Martinez në një faqe në internet për të mbledhur fonde.
Maggie, motra e mësuese Mireles e cila ishte viktima tjetër, është shprehur se “ajo la mënjanë frikën e vet, për të mbrojtur nxënësit e saj atë ditë.”
Garcia dhe Mireles kishin afro 5 vite që punonin së bashku, por të dyja së bashku në total kishin thuajse 40 vjet karrierë në mësimdhënie.
Në internet është publikuar një foto ku shihen të dyja mësueset të cilat ndjekin nxënësit e tyre gjatë një ore mësimi.
Eva Mireles, 44 vjeç
Një mësuese me një karrierë 17 vjeçare. Mireles ka rrëfyer më parë për dashurinë e saj për vrapin dhe ecjen. Gjithashtu ajo ka treguar më herët se kishte “një familje mbështetëse, argëtuese dhe të dashur”. Pjesëtar të familjes së saj ishin burrin e saj, vajzën e saj e diplomuar në kolegj dhe tre kafshë shtëpiake.
Irma Garcia, 48 vjeç
Garcia ishte një mësuese me 23 vite karrierë. Në vitin 2019 ishte vlerësuar si mësuesja më e mirë e shkollës. Garcia ishte e martuar dhe kishte katër fëmijë, dy djem dhe dy vajza nga 12 deri në 23 vjeç.
“Ata nuk ishin vetëm studentët e saj. Këta ishin fëmijët e saj, dhe ajo vuri trupi e saj për t’i mbrojtur ata”, tha John Martinez, nipi i saj, për Washington Post.
Përshtati pjesët kryesore nga BBC, Liberale.al.
