Ish-deputeti demokrat Vili Minarolli ka reaguar ndaj hetimit që ka nisur Policia për mbesat e tij, rreth deklaratave denoncuese kundrejt Spitalit Infektiv, nxitur nga vdekja e të atit të prekur nga Covid-19.
Në një postim në “Facebook”, Minarolli shkruan se Edita dhe Ina Lalo duhen mirëkuptuar për gjendjen e rënduar psikologjike pas humbjes së të atit, por edhe për faktin se kanë të ëmën po ashtu të prekur me Covid-19.
Sipas Minarollit, bashkëshortja e të ndjerit Rifat Lalo po e lufton virusin në banesë.
Postimi i Vili Minarollit në “Facebook”:
Te dashur miq te fb dhe me tej, u informova se mjekja e infektivit qe permendet me emer nga dy mbesat e mia ka hapur nje ceshtje penale ndaj tyre. E drejta e saj! Po ju drejtohem edhe juve te jepni gjykimin tuaj:
Mendoni sikur secili prej jush te ndodhej ne ate situate kur babai i tyre, idhulli i tyre, ne castet e fundit te jetes u kerkonte ta nxirrnin nga ai vend ku e kishin lene te braktisur dhe nuk e prekte njeri me dore, dhe ne komunikim me mjeken ajo u thoshte se po i benin skaner dhe te gjitha mjekimet. Pas disa castesh babai i tyre nderroi jete.
Tani gjykoni dhe ju, ke duhet te besonin vajzat, babane apo mjeken? Njeri nuk thoshte te vetteten dhe ne kete rast ai/ajo quhet genjeshtar. Ka emer tjeter? Pastaj mendoni gjendjen psikologjike te tyre ne ate moment! Tani atyre u duhet te perballen edhe me nje procedim gjyqesor, kur kane edhe te jemen me infeksion ne shtepi.
Nuk i shkruajta keto radhe per te ndikuar tek drejtesia. Ajo te beje detyren e saj, por si duket ne vendin tone humanizmi dhe njerezorja po i humbet vlerat. Asnje mos e perjetofte ( edhe hasmi)ate qe perjetuan dhe vazhdojne te perjetojne mbesat e mia.
