Nga dita e nesërme nuk do të ketë më autorizimet për të lëvizur në këmbë apo edhe me automjet.
Kryeministri Edi Rama njoftoi përmes një postimi në Facebook se urdhri vlen njësoj si për zonat e gjelbra ashtu edhe për “zonat e kuqe”.
“Hiqen në të gjithë vendin autorizimet për lëvizjen e këmbësorëve apo automjeteve gjatë javës”, shkruan Rama. Ndërkohë që fundjava do të jetë sërish pa automjete.
Në “zonat e kuqe” zgjatet fasha orare e lëvizjes deri në orën 21:00, nga 17:30 që ishte deri ditën e sotme. Ndërsa në qytetet ku tashmë nuk ka më të infektuar me koronavirus, lëvizjet do të jenë pa kufizime.
