Bota

‘Hiqeni ose do të shkatërrojë qytetin’: Profecia e përmbushur në Bejrut








Bëni LIKE faqen zyrtare në Facebook
               Publikuar në : 17:08 - 05/08/20 |
mapo.al

108 të vdekur, më shumë se 4000 të plagosur dhe rreth 3 miliard dollar dëme materiale. Ky është bilanci tragjik i shpërthimit të djeshëm në portin e Bejrutit, i cili frikësoi të gjithë botën për nga mënyra se si ndodhi.



Bëhet fjalë për një shpërthim të shkaktuar nga 2 750 ton nitrat amoni të vendosur një njërën prej depove të portit të Bejrutit 6 vite më parë pasi u sekuestrua anija që e transportonte.



Hetimet kanë zbuluar se specialistët e portit i kanë kërkuar autoriteteve që ta heqin sasinë kolosale të nitratit nga ajo zonë pasi kjo lëndë njihet si mjaft shpërthyese dhe nëse kjo do të ndodhte, “do të shkatërronte qytetin”.


Anija që çoi në Liban “bombën”

Kimikatet ishin ruajtur në depo, pasi ishin konfiskuar nga një anije mallrash më 2014. Materiali ishte ruajtur pa masa  sigurie. Anija “MV Rhosus” ishte konfiskuar nga autoritetet libaneze, me urdhër nga inspektorët lokalë në Bejrut, pasi ajo kishte hyrë në port, për shkak të problemeve teknike.

Associated Press ka raportuar se MV Rhosus po transportonte nitrat amoniumi  nga porti i Gjeorgjisë në Detin e Zi në Mozambik dhe rrugës kishte pasur probleme teknike që e detyruan atë të ndalet në Bejrut.

Raportimet e mediave në Rusi dhe Moldavi më 5 gusht thanë se MV Rhosus mbante flamurin e Moldavisë kur mbërriti në Bejrut.

Shpërthimi vjen në një kohë të vështirë për Libanin. Vendi po përballet me një krizë ekonomike, pandeminë e koronavirusit dhe demostrata masive kundër varfërisë. Tensionet janë gjithashtu të larta pasi të premten, një gjykatë e Kombeve të Bashkuara, pritet të nxjerrë aktgjykimin e saj ndaj katër të dyshuarve për vrasjen e ish-kryeministrit, Rafik Hariri që u vra në vitin 2005, raporton abcnews.al

Katër të dyshuarit janë anëtarë të grupit Hezbollah, që ka mbështetjen e Iranit, i cili vazhdimisht ka mohuar çdo rol në vdekjen e Haririt. Gjithashtu në vitin 2015 policia e Qipros arrestoi një anëtar 26-vjeçar Liban Hezbollah i cili kishte ruajtur 8.5 ton nitrat amoni në një apartament në Larnaca. Sasia e eksplozivëve ishte transferuar gradualisht në Qipro që nga viti 2012.

Shpërthimi në Qipro

Në korrik 2011, një shpërthim i madh ndodhi  në Qipro. 101 kontejnerë të ngarkuar me eksploziv  u kapën në një anije që lundronte nga Irani për në Siri . Eksplozivët u ruajtën  pas një vendimi nga ana e qeverisë së atëhershme të Christofias dhe nuk u konfiskuan.

Nitrat amoni në Larnaca

Në vitin 2015, autoritetet e sigurisë të Qipros, pas informacionit që morën nga shërbimet sekrete të huaja, lokalizuan  8.2 ton nitrat amoni të ruajtur në bodrumin e një apartamenti në Agioi Anargyroi, Larnaca . 26-vjeçari libanez Husein Bassam Abdallah , i cili ishte anëtar i Hezbollahut dhe po vepronte në emër të tij, u arrestua.

Husein Abdallah pranoi fajësinë për tetë akuzat e përfshirjes në një organizatë kriminale dhe terroriste, mbajtje pa leje të eksplozivëve (8.2 ton nitrat amoni) dhe pastrim parash. Veprat penale u kryen midis 2012 dhe 27 maj 2015 në Larnaca dhe Liban. Në bodrumin e shtëpisë në Agios Anargyros u gjetën 447 kuti, në të cilat ishin 65.573 pako me nitrat amoni,  që peshonin gjithsej 8.2 ton, raporton abcnews.al

Në shtëpinë e tij u gjetën 9,400 euro, emra, numra telefoni dhe adresa. Nitrati i amonit, kur përzihet me vaj, shndërrohet në një substancë të quajtur ANFO  dhe vepron si një lëndë plasëse me fuqi të lartë. Është përdorur nga Hezbollah në sulme të ndryshme terroriste.

Husein Abdallah, babai i një djali një vjeç e gjysmë, dëshmoi 3 herë te policia e Qipros. Ndër të tjera, ai tha që një anëtar i paidentifikuar i Hezbollahut i dha një pasaportë të rreme dhe e udhëzoi që të vinte në Qipro për të zhvendosur kutitë me nitrat amoni. Misioni i tij ishte të kontrollonte kutitë me nitrat amoni dhe tarifa e tij për secilin udhëtim në ishull ishte 3.500 euro.

Para mbërritjes së tij në Qipro në 21 maj 2015, Abdallah u udhëzua të zhvendosë kutitë e nitratit të amonit në një depo tjetër në provincën Larnaca, të cilën do ta merrte me qira për rreth një vit. Sipas tij, Hezbollahu synonte të dëmtonte, përmes akteve terroriste, interesat e Izraelit në Qipro dhe amoniaku ishte menduar për këtë qëllim.


Etiketa: , , , ,

Pas