Një officer policie është plagosur me shigjetë në këmbë në përleshjen me protestuesit në Hong Kong. Siç shihet dhe në pamjet më poshtë, dallohet qartë shigjeta në këmbën e oficerit të policisë jashtë kampusit të Universitetit Politeknik të qytetit.
Protestuesit kanë manifestuar në kampus teksa ishin të maskuar dhe të armatosur me harqe.
Prej më shumë se pesë muaj, Hong Kongu po përballet me trazira politike. Pak ditë më parë, një burrë 70-vjeçar gjeti vdekjen pasi u godit në kokë gjatë përleshjeve midis mbështetësve të qeverisë dhe protestuesve.
Një rast tjetër ishte ai i një oficeri policie që shkarkoi pistoletën e tij të shërbimit dhe qëlloi një njeri duke e lënë të plagosur. Ende nuk dihet se kur do të përfundojnë demostratat e dhunshme që duket se po shkaktojnë dëme të mëdha.