Këngëtarja e njohur Katy Perry po përballet së fundmi me akuzën e ngacmimit seksual. Modeli 38-vjeçar Josh Kloss ka rrëfyer përmes një postimi në “Instagram” se Perry e ka ngacmuar gjatë xhirimeve të këngës së saj “Teenage Dream”.
Sipas tij, këngëtarja ishte treguar fillimisht e sjellshme, por më vonë mënyra e saj e të folurit kishte ndryshuar tërësisht. Ai ka rrëfyer më tej se pas ditës së parë të xhirimeve, Perry e kishte ftuar në një ‘club’ striptizmi në Santa Barbara. “Unë nuk e pranova dhe i thashë se duhej të kthehesha në hotel për të pushuar”-është shprehur Kloss, duke treguar më tej një tjetër episod, se si këngëtarja i kishte hequr pantallonat në sy të miqve të saj dhe se si në ato momente ai ishte ndjerë i turpëruar.
Modeli ka bërë me dije se vendosi të fliste pikërisht pas gati 9 vitesh, që nga koha e xhirimeve të videoklipit, me synimin për t’i treguar ndjekësve të tij se jo vetëm meshkujt e fuqishëm janë pervers. Mirëpo, shoqëria e këngëtares i ka dalë kësaj të fundit menjëherë në mbrojtje, duke thënë se Katy nuk do e bënte kurrë diçka të tillë.
Ata pretendojnë se Josh e ka dashuruar këngëtaren dhe duke qenë se nuk mundi ta bënte për vete po përpiqet të hakmerret duke shpikur histori të këtij lloji.Nga ana e Katy-t, ende nuk ka një reagim në lidhje me këtë çështje.
https://www.instagram.com/p/B1CFg2xFG-C/