Aktualitet

Hoti, kërkesë BE-së: Në marrëveshjen me Serbinë, të përfshihet edhe njohja nga pesëshja europiane














Bëni LIKE faqen zyrtare në Facebook
               Publikuar në : 14:52 - 10/07/20 |
mapo.al

Kryeministri i Kosovës, Avdullah Hoti, në Samitin virtual të Parisit është shprehur se Kosova do të angazhohet me objektiva të qartë në dialogun me Serbinë, bazuar në disa parime.






Hoti ka kërkuar nga Bashkimi Europian lidhur me marrëveshjen finale me Serbinë, përveç njohjes reciproke, të sigurohet edhe njohja e pesëshes europiane të cilat ende refuzojnë njohjen e Kosovës si shtet i pavarur.


“Bazuar në këto parime, Kosova do të angazhohet në dialog me objektiva të qartë, bazuar në të cilët duhet të arrihet Marrëveshja:







Marrëveshja Gjithëpërfshirëse e Paqes midis Republikës së Kosovës dhe Republikës së Serbisë duhet të rezultojë në njohje reciproke. Pa një përfundim të tillë të këtij procesi Marrëveshja nuk mund të ketë sukses.




Njohja e ndërsjellë midis dy vendeve është mënyra e vetme për të normalizuar marrëdhëniet dhe shtruar rrugën për të dy vendet për integrimin në BE.
Rezultati i kësaj marrëveshje duhet të jetë gjithashtu detyrimi i BE-së për të përfshirë njohjen e Kosovës nga pesë vendet e mbetura të BE-së.

Lexo edhe :  BE prezanton planin për të lehtësuar krizën e energjisë në Evropë


Anëtarësimi i Kosovës në Kombet e Bashkuara duhet të jetë gjithashtu pjesë e rezultatit të marrëveshjes gjithëpërfshirëse të paqes mes Kosovës dhe Serbisë. Kjo natyrisht nënkupton zëvendësimin e Rezolutës 1244 të Sigurimit të Kombeve të Bashkuar.
Ndjekja e anëtarësimit në organizata të tjera ndërkombëtare dhe hapja e qartë e perspektivës evropiane për Kosovën është objektivi ynë dhe apeli ynë krahas këtij procesi.

Dhe e fundit, personat e humbur dhe viktimat e të gjitha formave të dhunës, dëmeve të luftës, viktimave, çështjeve të shqetësimit tonë maksimal në këtë proces. Asnjë normalizim nuk mund të bëhet më përpara se të vijë deri në momentin e duhur.
Bazuar në këta parime dhe objektiva, Republika e Kosovës është e gatshme të jetë një partner konstruktiv dhe bashkëpunues në dialogun duke arritur një Marrëveshje gjithëpërfshirëse dhe ligjërisht detyruese”.

1


Etiketa: , ,

Pas