Aktualitet

Humbja e zgjedhjeve-Luan Rama: LSI të mbajë përgjegjësi, më respektuan vendimin














Bëni LIKE faqen zyrtare në Facebook
               Publikuar në : 18:41 - 04/09/21 |
mapo.al

Ish-nënkryetari i LSI, Luan Rama ka bërë përgjegjëse LSI dhe opozitën për rezultatin e zgjedhjeve të 25 prillit pasi nuk arritën të bënin ndryshimet e duhura në Kodin Zgjedhor. I ftuar në emisionin “Kjo Javë’’ më Nisida Tufën, Rama tha se opozita duhej të vendoste kushte të panegociueshme kur u ulën në tavolinë.






I pyetur se sa përgjegjësi ka Monika Kryemadhi në rezultatin e zgjedhjeve, ai tha se i gjithë ekipi drejtues i LSI duhet të ndjejë përgjegjësi për rezultatin e marrë.


Më tej ai është shprehur se LSI është në një moment delikat duke shprehur nevojën e reformimit të saj.







“Një drejtues i lartë politik, partie ka disa nivele dhe shkallë të përgjegjësisë. Morale, politike, partiake dhe mendoj që i gjithë ekipi drejtues i LSI duhet të ndjejë përgjegjësi për rezultatin. Ai është një rezultat që vlerësohet në bazën e numrave dhe sot kemi vetëm 4 deputetë. Nuk arritëm si opozitë që të mbërriniim tek formula që përkthen në mandate votën e qytetarëve.



Është absurd që të marrës mbi 100 mijë vota dhe te marrësh 4 mandate. Miratimi i ndryshimeve në Kod është përgjegjësi e opozitës. Opozita duhej të vendoste kushte të panegociueshme. LSI është në një moment delikat i cili do të përcaktojë dështimin apo suksesin se sa do të arrijë LSI të shëndrohet në kauzën e të rinjëve. Nëse LSI nuk riformulohet, rithemelohet që ta bëjë atë shpresën e të rinjëve do të ketë problem. LSI duhet të fillojë që tani punën me 15 dhe 16 vjeçarët me partinë si një hapsirë ku ata të gjejnë vetveten”- tha Rama.

Lexo edhe :  Zyrtari i lartë: Trump kandidon për President në 2024, Grenell krahu i djathtë


Lidhur me vendimin për largimin nga çdo post drejtues i LSI, Rama tha se qëndrimin ia ka bërë me dije edhe kryetares Monika Kryemadhi e cila sipas tij e ka mirëkuptuar.

E kam thënë publikisht edhe me strukturat që nga rezultati i LSI në Vlorë do të varet qëndrimi im në strukturat drejtuese të LSI. Me zonjën Kryemadhi kam komunikuar më parë. Ia kam bërë të njohura me detaje arsyet e largimit dhe i kam kërkuar të më mikuptojë dhe ajo është shprehur me korrektesë se më mirëkupton”- u shpreh ai.

1


Etiketa: , , ,

CLOSE
CLOSE
Pas