Një shqiptar është vrarë në Itali nga pronari i një vile të cilën shkoi ta grabiste.
Viktima është identifikuar si Arbër Xheleshi, 38 vjeç, ndërsa ngjarja u regjistrua në Santopadre në provincën e Frosinone, 3 ditë më parë.
Mësohet se Xheleshi ka kërcënuar me armë pronarin e vilës, ndërsa ky i fundit i është kundërpërgjigjur duke e qëlluar për vdekje.
Xheleshi, baba i një fëmije të vogël, mbeti i plagosur rëndë, por nuk mundi t’i mbijetonte plagëve dhe ndërroi jetë ditën e djeshme në spital.
