Një burrë i dehur është filmuar duke kërcyer në shinat e trenit. Personat që ndodheshin aty u përpoqën ta shpëtonin atë nga një tren i cili po afrohej me shpejtësi të lartë.
Pamjet e këtij momenti janë shpërndarë gjerësisht në rrjete sociale.
Video tregon momentin kur burri kërcen mbi shinat e trenit në Belvedere në Londrën jug-lindore.
Ai dukej gjysmë i zhveshur dhe me një shishe alkool në dorë, por ishin kalimtarët e rastit ata që vrapuan për ta tërhequr nga binarët dhe ta fusin nën platformë për t’i shpëtuar rrotave të çelikta të trenit.
Një burrë tjetër shtriu dorën për t’u përpjekur ta shpëtonte, por duhej të tërhiqej pasi rrezikoi të shtypej nga treni.
Të gjithë u larguan të padëmtuar, sipas personit që filmoi videon.
Ata kërkuan që personi i dehur të mos identifikohej, por thanë:
“Burri ishte në platformë dhe ai ishte pak i dehur dhe unë e kam parë atë duke bërtitur në vetvete kështu që mendova se do ta nxirrja telefonin për ta regjistruar në një gjendje të dehur për t’ia treguar miqve të mi”.
“Ishte e papritur që ai kërceu mbi shina. Nuk e kam idenë se çfarë po i kalonte nëpër kokë. Unë dhe disa të tjerë vrapuam drejt tij, por brenda pak sekondave treni po afrohej”.
Shërbimet e policisë dhe ambulanca mbërritën më pas në vendin e ngjarjes dhe burri u dërgua në spital për trajtim mjekësor.
Etiketa: Belvedere, i dehuri, LONDER
