Aktualitet

I dënuar për prostitucion, vjedhje dhe trafik droge në Itali, arrestohet në Vlorë 37-vjeçari





Bëni LIKE faqen zyrtare në Facebook
               Publikuar në : 08:59 - 27/05/20 |
mapo.al

Një 37-vjeçar është vënë në pranga nga policia e Vlorës me qëllim ekstradimin e tij në Itali.


Ergust Dumitru është dënuar në shtetin fqinj për disa vepra penale si “Shfrytëzim prostitucioni”, “Trafik narkotikësh” dhe “Vjedhja me dhunë”, si dhe ishte shpallur në kërkim ndërkombëtar.


”Ky shtetas ishte shpallur në kërkim ndërkombëtar nga autoritetet italiane, pasi Gjykata e Apelit Aquila, Itali, në vitin 2018, e ka dënuar këtë shtetas me 9 vjet e 10 muaj burg, për kryerjen e veprave penale “Shfrytëzim prostitucioni”, “Trafik narkotikësh” dhe “Vjedhja me dhunë”, parashikuar nga Kodi Penal italian”, thuhet në njoftimin e policisë.


Në bashkëpunim me persona të tjerë, ai ka shfrytëzuar për prostitucion disa vajza rumune, duke i detyruar ato përmes dhunës që të ushtronin prostitucion në qytetet Montesilvano, Città Sant’Angelo, Silvi dhe Pescara, gjatë periudhës janar-qershor 2007.


Arrestimi provizor u krye me qellim ekstradimin e tij drejt Italisë, mbështetur në “Konventën Evropiane të Ekstradimit” dhe marrëveshjen dypalëshe mbi ekstradimet, nënshkruar mes Republikës së Shqipërisë dhe Italisë.


Etiketa: , , , ,

Pas