Aktualitet

I dogji Vettingu, Zaganjori e 3 gjyqtarë kërkojnë dy paga shpërblim





Bëni LIKE faqen zyrtare në Facebook
               Publikuar në : 08:20 - 16/12/19 |
mapo.al

Ish-kryetari i Gjykatës së Lartë, Xhezair Zaganjori dhe tre ish-gjyqtarë të tjerë të Gjykatës së Lartë kanë vendosur të luajnë “juristash” me institucionet e reja te e reformës në drejtësi.


Pas largimit nga detyra për shkak të Vettingut, Zaganjori i është drejtuar Këshillit të Lartë Gjyqësor duke kërkuar respektimin e një ligji që vazhdon të jetë në fuqi prej 23 vitesh dhe që sipas tij ka efekt përsa i takon pagës kalimtare.


Sipas burimeve, duke u bazuar në ligjin numër 8097 të datës 21 mars 1996, ish-kryegjyqtari i lartë kërkon që t’i paguhen dy paga me argumentin se ligji në fjalë ia garanton pagesën kalimtare në bazë të funksionit që ka patur.


Por të njëjtën mësohet se kërkojnë edhe ish-gjyqtari i lartë Tom Ndreca i shkarkuar nga Vettingu e gjithashtu edhe Mirela Fana, e cila dha dorëheqjen nga gjykata supreme sapo ligji i Vettingut hyri në fuqi. Këtë kërkesë mësohet se e ka bërë dhe një gjyqtar i katërt, por emri i tij nuk konfirmohet nga KLGJ.


Por burime pranë KLGj tregojnë se kërkesat në fjalë nuk janë marrë ende në shqyrtim si dhe nuk janë futur në axhendën e mbledhjeve të qeverisë së gjyqësorit./ t.ch


Etiketa: , , ,

Pas