Ndalet hetimi për 3 gjyqtarët që rrëzuan dënimin “burgim të përjetshëm” për Dritan Dajtin.
Gjykata e Posaçme e Apelit ka lënë në fuqi vendimin e shkallës së parë.
Petrit Alia, Skënder Damini dhe Aleks Nikolli nuk do të hetohen më me argumentin se nuk është gjendur element i veprës penale. Prokuroria dyshonte se tre gjyqtarët ishin korruptuar në vendimin e marrë.
Dritan Dajti akuzohet për vrasje të katër policëve në vitin 2009, ndërsa u deshën 10 vite që dënimi të merrte formë të prerë.
Fillimisht u dënua me burgim të përjetshëm, për t’u gjykuar më pas në mënyrë të shkurtuar. Ky vendim i Apelit të Krimeve të Rënda, u diskutua gjatë në opinionin publik.
