I pyetur nga gazetarja Nisida Tufa, se nëse do të caktohej nesër me ardhjen e PD në pushtet Ministër i Brendshëm, cilat do të ishin prioritetet e tij në Elbasan, Bardhi u shpreh se do të ishin të njëjta si në gjithë vendin, luftë krimit të organizuar, shtypje e bandave dhe garantimi i rendit dhe sigurisë.
Po ashtu, luftë pa kompromis ndaj korrupsionit.
Numri 2 i PD u shpreh se nuk do të ketë tolerancë ndaj dikujt që shkel ligjin, edhe në qoftë njeriu më i afërt i tij.
I pyetur nëse janë përfshirë elementë të krimit të organizuar në zgjedhje, Bardhi e pohoi, dhe tha se ai ka konstatuar të dhëna dhe dëshmi dhe i ka dërguar në SPAK.
Bardhi kishte një apel se askush nuk do të mund të ketë imunitet nesër nëse prek një votë të vetme. Ai shtoi se është i gatshëm me strukturat dhe ekipin të mbrojë çdo votë me 25 prill dhe të përballet për ta garantuar këtë standard të demokracisë.
Tufa i kërkoi zotit Bardhi një koment për kundërshtarin politik, Taulant Ballën. Ai u shpreh se nuk ka asgjë personale me të, por dënon modelin që numri dy i PS ka aplikuar, që është abuzimi me besimin që i kanë dhënë votuesit në shumë vite.
E po ashtu, për lidhjet e dyshimta me botën e krimit të organizuar, që sipas Bardhit janë i vetmi shtab elektoral që ka.
Duke u ndalur tek bandat, Drejtuesi Politik i PD për Elbasanin dhe Sekretari i Përgjithshëm i PD u shpreh se askush të mos ketë iluzionin se është i paprekshëm.
“I paprekshëm nesër nga ligji nuk është as Taulant Balla”, tha Bardhi.
Etiketa: Gazment Bardhi, Intervista, Nisida Tufa, prioritetet
