Menjëherë sapo u zyrtarizua si drejtues politik i PD në Dibër, Xhelal Mziu ka shpalosur ambicien e tij se në zgjedhjet e 25 prillit synon që të marrë 4 mandate në Dibër.
Në një komunikim me gazetarët nga selia e PD, Mziu u shpreh se do të jetë i pari në listën e kandidatëve për deputetë dhe se do të marrë një fitore spektakolare në këto zgjedhje për t’i kthyer Dibrës, siç tha ai, rezultatin e 2009.
“Në Dibër ka pasur shumë problemë për shkak të vjedhjes së votave. Jam i gatshëm për tu përballuar me këtë sfidë dhe për mundur këtë të keqe. Jam i sigurt se do të marr një fitore spektakolare për të kthyer ato rezultat që ka pasur Dibra në 2009 dhe për ta hequr këtë të keqe jo vetëm në Dibër, por në gjithë Shqipërinë. Qarku i Dibrës duhet të kishte 6 dhe më shumë mandate, por ajo që u bë nuk zhbëhet më. Ajo që ne kemi synim është që të marrim 4 nga 5 mandatet e këtij qarku”, tha Mziu.
Një këshillë kishte edhe për rivalen e tij, Olta Xhaçka:
“Xhaçka në këto 3 ditë po gjen një mënyrë për t’u larguar dhe për të lënë një tjetër zëvendësues. Unë i bëj thirrje të qëndrojë atje dhe të marrë humbjen më të thellë që ka marrë PS në këtë qark”.
Si një person me peshë në Kamëz, Mziu tha se do të japë kontributin e tij që PD të fitojë edhe aty, pjesë e qarkut të Tiranës.
LEXO EDHE:
PD zyrtarizon Xhelal Mziun drejtues politik në Qarkun e Dibrës
