Avokati Marjel Mejdi, i cili ra pre e dhunës barbare me shkop bejsbolli sot në qytetin e Sarandës, ka dhënë dëshminë e parë nga spitali. 39-vjeçari ka thyer këmbën dhe dorën nga goditjet, ndërsa ndodhet në kujdesin e mjekëve.
Gjatë dëshmisë së tij para oficerëve të policisë, nga shtrati i spitalit avokati tha se shkak i sulmit është bërë një konflikt pronësie mes familjes se tij dhe disa personave të tjerë. Aktualisht policia po vijon hetimet për identifikimin dhe arrestimin e autorëve.
MAPO mëson se kanë qenë tre persona të paidentifikuar të cilët i kanë prerë rrugën 39-vjeçarit dhe pasi i kanë thyer xhamat e automjetit tip “Mercedes Benz” e kanë nxjerrë me dhunë nga makina dhe e kanë goditur me shkop bejsbolli.
Përveç këmbës dhe dorës, avokati ka marrë fraktura të shumta edhe në trup.
LEXO EDHE:
Dhunohet barbarisht me shkop bejsbolli avokati i njohur në Sarandë (EMRI)
