Kronika

I vodhi paratë nga llogaria bankare pacientit me COVID, arrestohet infermierja









Bëni LIKE faqen zyrtare në Facebook
               Publikuar në : 09:26 - 26/01/21 |
mapo.al

Policia i ka vënë prangat një infermiereje të spitalit Infektiv në Tiranë. 30-vjeçarja punonjëse e spitalit Covid1, akuzohet se i ka vjedhur paratë nga llogaria bankare, pas vdekjes, pacientit që ishte shtruar në këtë spital, i infektuar me Covid-19. 



Denoncimi u bë pak ditë më parë nga emisioni investigativ STOP, nga djali i pacientit me koronavirus.


Shuma e parave të zhvatura nga llogaria bankare mësohet se është 60 mijë lekë të reja. Pacienti me koronavirus kishte ndërruar jetë, ndërsa infermierja i ka marrë portofolin, brenda të cilit ndodhej edhe kodi pin i bankomatit, nga ku ajo ka tërhequr paratë.




Pas kallëzimit të bërë për këtë ngjarje, nga djali i të ndjerit, shtetasi F. D., 25 vjeç, i cili ka deklaruar se nga llogaria bankare e të atit ishte tërhequr shuma 60.000 lekë, specialistët për Hetimin e Krimit në Komisariatin e Policisë kanë organizuar punën për identifikimin e autorit”, tha policia.



Sipas bluve, “në bazë të provave filmike ka rezultuar se edhe shuma e parave është tërhequr nga shtetasja R. H., infermiere në spitalin infektiv, e cila ka pranuar autorësinë e ngjarjes, që është bërë mediatike edhe nga emisioni investigativ “STOP”.


Njoftimi i Policisë së Tiranës
“Specialistët për Hetimin e Krimit në Komisariatin e Policisë Nr. 4, në bashkëpunim me Prokurorinë e Rrethit Gjyqësor Tiranë, kanë bërë të mundur identifikimin, lokalizimin dhe ndalimin e shtetases R. H., 30 vjeçe, banuese në Durrës.

Ndalimi i kësaj shtetaseje u bë pasi në bazë të pamjeve filmike rezulton si autorja e vjedhjes së një shume parash në portofolin e shtetasit K. D., i cili ka qenë i shtruar në spitalin infektiv, ku ka ndërruar jetë nga COVID-19.

Pas kallëzimit të bërë për këtë ngjarje, nga djali i të ndjerit, shtetasi F. D., 25 vjeç, i cili ka deklaruar se nga llogaria bankare e të atit ishte tërhequr shuma 60.000 lekë, specialistët për Hetimin e Krimit në Komisariatin e Policisë kanë organizuar punën për identifikimin e autorit.

Në bazë të provave filmike ka rezultuar se edhe shuma e parave është tërhequr nga shtetasja R. H., infermiere në spitalin infektiv, e cila ka pranuar autorësinë e ngjarjes, që është bërë mediatike edhe nga emisioni investigativ “STOP”.

Materialet procedurale do të referohen në Prokurorinë e Rrethit Gjygjësor Tiranë, për veprime hetimore të metejshme, për veprat “Vjedhja” dhe “Vjedhja duke shpërdoruar detyrën”.

***

Lexo edhe :  Kosovë - Rriten viktimat dhe infektimet nga koronavirusi në 24 orë

Kujtojmë që pak ditë më parë u arrestua te spitali COVID2, sanitarja Tire Alldervishi e cila i kishte zhatur mbi 8 milionë lekë të vjetra vajzës së një pacienteje me koronavirus. E sëmura ndërroi jetë nga virusi, ndërsa në mesazhet që shkëmbente me vajzën e saj, ankohej se nuk merrte shërbim. Tire Alldervishi ishte prezantuar si infermiere. Prokuroria e Tiranës po heton nëse rasti është i  izoluar, apo kemi të bëjmë me skemë zhvatje me përfshirjen edhe të bluzave të bardha.

LEXO EDHE: 

Skandal te Infektivi- Pacientit në intubim, i vjedhin lekët dhe kartën e bankës

1


Etiketa: , ,

CLOSE
CLOSE
Pas