Mediat italiane kanë publikuar detaje të reja për dy shqiptarët që u gjetën të plagosur me thikë, në Pescara të Italisë.
Bëhet me dije, se të plagosurit janë Elvis Balanin, 41 vjeç dhe Leon Cako, 39 vjeç.
Ata janë gjetur nga një kalimtar i rastit, i cili i ka transportuar në spital.
Sipas mediave, 41-vjeçari Balani ndodhet në gjendje më të rëndë, ndërsa 39-vjeçari Cako ka plagë në këmbë.
Aktualisht policia po heton në lidhje me ngjarjen në fjalë, si dhe zbardhjen e motiveve të plagosjes së shqiptarëve.
