Aktualitet

Idrizi, pas takimit me Metën: Nëse Greqia vijon me ujërat territoriale, duhet të kërkojmë Çamërinë














Bëni LIKE faqen zyrtare në Facebook
               Publikuar në : 10:26 - 04/09/20 |
mapo.al

Kryetari i Partisë Drejtësi, Integrim dhe Unitet, Shpëtim Idrizi, ka folur mbas takimit me Presidentin Ilir Meta në kuadër të konsultimeve për datën e zgjedhjeve të ardhshme parlamentare.






Idrizi në fjalën e tij për mediat është ndaluar te çështja e fundit sensitive kombëtare, ajo e detit me Greqinë.


“I shpreha shqetësimin Presidentit për faktin që duhet të ketë vëmendjen qeveria shqiptare për zonat ekskluzive ekonomike, sepse në këtë marrëveshje dy ishujt kanë marrë të drejtë të zgjerohen me 12 milje, që cenon në mënyrë të drejtpërdrejtë zonën ekonomike që ne duhet të ndajmë me Greqinë dhe Italinë. Më vjen mirë që ditët e fundit kryeministri ka bërë një tërheqje dhe e ka lexuar edhe vetë pikën 15 të Konventës. Më duhet të theksoj fort dhe të bëj të qartë për publikun se qeveritë shqiptare janë në sindromën e Shën Naumit dhe qeveria shqiptare nuk duhet të diskutojë më për kufijtë detarë e tokësorë me Greqinë.

Shqipëria ka lëshuar gati 30% të territorit të saj, e kam fjalën për Çamërinë. Ne nuk kemi çfarë bisedojmë me Greqinë për ujërat territorial, por vetëm për zonat ekonomike. Nëse Greqia do të hapë çështje të tilla, pa dyshim që ne do të kërkojmë Çamërinë. I bëra të qartë Presidentit që bisedimet mes dy vendeve duhet të fillojnë nga heqja e ligjit të luftës, të vazhdojnë me zgjidhjen e çështjes çame. PDIU i shprehu shqetësimet Presidentit që qeveria ka fshehur agjendën shqiptare në diskutimet mes Shqipërisë dhe Greqisë dhe ka avancuar me agjendën greke”, tha Idrizi.



1




Etiketa: , , , ,

CLOSE
CLOSE
Pas