Aktualitet

IKMT shemb shtëpitë në Shkozë, kryefamiljari: Ku t’i çojmë fëmijët?





Bëni LIKE faqen zyrtare në Facebook
               Publikuar në : 09:56 - 16/10/19 |
ro ot

Inspektoriati për Mbrojtjen e Territorit (IKMT) i shoqëruar me forca të shumta të Policisë së Rendit ka shkuar mëngjesin e sotëm në Shkozë për të shembur disa banesa. Banorët kanë reaguar ashpër. Ata shprehen se nuk u është ofruar asnjë mundësi për tu strehuar. Disa prej banorëve kanë hipur në tarracë në shenjë proteste.


“Jemi në proces legalizimi që në 2005. Nuk na është bërë legalizimi i banesës. Sot erdhi IKMT pa asnjë paralajmërim dhe kërkon të shembë shtëpinë. Ku ti çojmë fëmijët ne? Kemi qenë tek minibashkia për të kërkuar banesë sociale, por na thanë i ka bllokua termeti”, u shpreh një kryefamiljar.


Sakaq, pranë banorëve të lagjes Shkozë, në periferi të Tiranës ka shkuar ish-deputeti demokrat, Aldo Bumçi. Ai tha se kjo është ndërhyrje e dhunshme ndaj disa qytetarëve të ndershëm që kërkojnë dëmshpërblim ose strehim në banesa sociale. “Dy djem janë shoqëruar në polici. Të tjerë qendrojnë në majë të çatisë. Këto ditë merret vendimi për negociatat. Por a jemi ne një vend europian? Kjo është diktaturë! Është sjellje kafshërore e një personi (Rama) që na ka kthyer në robër të tij”, u shpreh Bumçi.


Sipas IKMT shembja e disa shtëpive në Shkozë do të bëhet për ti hapur rrugë ndërtimit të Unazës së Madhe të Tiranës. Aktualisht i vetmi aks i përfunduar i Unazës së Madhe është nga TEG-u tek Pallati me Shigjeta.



Etiketa: , , , , , , ,

CLOSE
CLOSE
Pas