Aktualitet

IKMT shkon të shembë objektet te “Selvia”, banorët: I kemi me leje








Bëni LIKE faqen zyrtare në Facebook
               Publikuar në : 23:09 - 29/05/19 |
mapo.al

IKMT ka nisur një aksion orët mbrëmjes së kësaj të mërkurë në zonën e “Selvisë”, për shembjen e disa objekteve, kryesisht shtëpi banimi dhe biznese të cilat ndodhen përgjatë Rrugës së Dibrës. Aktualisht mësohet se janë shembur dy dyqane dhe një shtëpi ndaj të cilave disponojnë dokumente që vërtetojnë se janë të ligjshme të pajisura me hipotekë pasi janë godina dhe banesa të vjetra.



Për prishjen e befasishme të 3 objekteve pasditen e sotme në zonën e “Selvisë” kanë folur dy banorët të cilët janë edhe pronarët. Sipas tyre, ata disponojnë leje ndërtimi dhe hipotekë për objektet e tyre, ndërkohë që prishja ka ndodhur pa asnjë dokument zyrtar apo lajmërim paraprak.


<
>
selvia5 selvia4 selvia3 selvia2 selvia1 salvia

“Këto janë ndërtime që në 1989. Nuk na kanë lajmëruar fare. Qytetarët e ndryshëm na kanë marrë në telefon dhe na kanë thënë që po na prishin lokalin. Ne do të bëjmë kallzim penal ndaj Bashkisë së Tiranës që nesër në mëngjes. Nuk ka pasur asnjë lajmërim për këtë prishje, ndaj unë do të ndjek rrugën ligjore. Ne jemi dy persona, të dy me leje ndërtimi, gjithçka e kemi në rregull. Vetëm ne na kanë prishur të tjerët jo”, deklaroi për Fax News Gani Kajtazi.



Ndërkohë një tjetër pronar ka kërcënuar edhe me vetëflijim. “Ne disponojmë 2 biznese, me letra të rregullta, me tokë të blerë. Dhe vijnë na e prishin biznesin pa asnjë lajmërim pa asgjë. Nuk jemi njoftuar as për të hequr objektet brenda bizneseve.



Unë me atë jetoj. Jam dhe i sëmurë, nuk kam mënyrë tjetër jetese. Më kanë lajmëruar punëtorët. Më vjen më kollaj të fus duart në korrent, nuk di si të veproj. Edhe policët erdhën, por ata janë të njëanshëm”– tha Edmond Shllaku.


LEXO EDHE:

IKMT aksion te Selvia, Tabaku: Familjarëve u ngeli buka në gojë

Shembjet te Selvia, Veliaj: Çliruam Vojo Kushin nga ndërtimet pa leje


Etiketa: , , , ,

CLOSE
CLOSE
Pas