Kryesore

Ina Zhupa-Blendi Gonxhes: A ke marrë disa kategori patentash për 1 muaj pa bërë autoshkollë?





Bëni LIKE faqen zyrtare në Facebook
               Publikuar në : 11:14 - 25/07/20 |
mapo.al

Drejtoria e Shërbimeve të Transportit Rrugor në krye të së cilës është Blendi Gonxhe, rezulton ndër drejtoritë më të korruptuara. Gazeta MAPO ka denoncuar në vazhdimësi disa prej aferave korruptive ku i përfshirë direkt është edhe vetë Gonxhe.


Sikurse ky i fundit është kapur në flagrancë edhe në kushtet e konfliktit të interesit, pasi ka përfituar 22.2 milionë lekë të reja tendera nga buxheti i shtetit për kompaninë e tij dhe të bashkëshortes, “Albarent”. Gonxhe nuk mbajti përgjegjësi dhe vijon të justifikojë zhvatjen e buxhetit duke mbajtur funksion publik.


Por sot është Partia Demokratike përmes zëdhënëses Ina Zhupa e cila i është drejtuar publikisht me disa pyetje drejtorit të Transportit Rrugor, Blendi Gonxhes, të cilin e akuzon për korrupsion, konflikt interesi dhe ryshfet.


Zhupa e akuzon Gonxhen se ka marrë disa kategori të patentave për një muaj, pa shkuar asnjëherë në kurs dhe pa bërë asnjë testim në të vërtetë, vetëm duke qenë drejtor.


Deklarata e plotë
Blendi Gonxhe është ndër të parët zyrtarë që i vesh vetës cilësi të cilat nuk i ka: i pastër, i ndershëm, i pakorruptuar. Është krejt e kundërta e këtyre.

Drejtoria e drejtuar prej tij është ndër më të korruptuarat në administratën shtëtërore dhe pranohet si e tillë nga Belinda Balluku dhe Edi Rama, sepse fitimet, siç raporton media, janë mbi 300 milionë lekë në muaj vetëm nga patentat. Ajo që e shquan Blendi Gonxhen është babëzia. Dhe këtu do të ndalem sot, tek babëzia e Blendi Gonxhes për të patur gjithçka, sa më shpëjt.

Kam sot disa pyetje publike për Drejtorin e Përgjithshëm të Transportit Rrugor të Shqipërisë, Blendi Gonxhe. Duke qenë se është i ndjeshëm në këto çështje, shpresoj të përgjigjet shpejt dhe me përgjigje sa më të shkurtra, sepse edhe pyetjet janë fare të thjeshta.

Për të sqaruar qytetarët që e paguajnë me taksat e tyre:

– Nga data 11.05.2020 deri në 16.06.2020 si drejtor i patentave a ke marr ti disa kategori të patentave pa shkuar asnjëherë dhe pa bërë asnjë testim në të vërtetë?

– Nëse ke ndjekur një kurs, si quhet autoshkolla që keni qënë? Ku e ka vendodhjen? Si quhet instruktori?

– Çfarë ngjyre kishte mjeti me rimorko, apo mjeti transporti për 16 pasagjer?

– A mos të duhen këto kategori për licensat për kompaninë tënde të transportit?! Apo thjesht ti kesh meqë je drejtor aty?

Drejtori i patentave që merr kategoritë e patentave kur është në detyrë është si një dekan i një fakulteti që futet bën edhe një master ta ketë ndërkohë që është dekan!!!!

Në pritje të përgjigjeve të Gonxhes së Ballukut, po përpiqem të arsyetoj cila shkelje është më e rëndë shpërdorimi i detyrës, konflikti interesit apo rryshfeti…


Etiketa: ,

CLOSE
CLOSE
Pas