Kryeministri Edi Rama ka reaguar pas deklaratave të kryedemokratit, Lulzim Basha, lidhur me koncesionet e inceneratorëve. Basha shkoi edhe më tej sot gjatë konferencës për shtyp kur u shpreh se Rama do të shkarkojë kryetaren aktuale në Bashkinë e Durrësit, se nuk pranon të firmosë milionat e inceneratorit dhe do ta zvendësojë atë me deputeten Milva Ekonomi.
Kundërpërgjigjja e Ramës është me akuza në adresë të PD për të cilën thotë se ka marrëdhënie fiziologjike me kaosin urban dhe mbeturinat. Megjithatë, Rama shprehur i bindur se projektet e inceneratorëve nuk do të ndalen deri ku asnjë mbeturinë të mos digjet dhe kalbet në rrugë.
Reagimi i Ramës
Lulëzim, unë e di që Partia Demokratike ka një marrëdhënie fiziologjike me kaosin urban dhe mbeturinat, jo vetëm sepse një mbeturinë të komunizmit dhe një rrëmujaxhi patologjik e ka lider prej 30 vjetësh, po edhe sepse kurdo e kudo ka qeverisur plehrat i ka pasur male krenare!…
Por do ti s’do ti, doni ju s’doni ju, Shqipëria e Rilindjes Urbane dhe e fushave sanitare të përpunimit teknologjik të mbetjeve nuk do të ndalet deri kur në asnjë cep të shtëpisë sonë të përbashkët të mos digjen e mos kalben plehra, sepse mesjeta juaj ka vdekur e s’kthehet më!…
Prandaj Lulëzim hiq dorë nga nostalgjia për mbeturinat që ke mbi krye e mbi supe dhe harroje se duke sharë, akuzuar, shpifur do ta kthesh Tiranën, Durrësin, Elbasanin, Fierin e Shqipërinë, në epokën e vargmaleve të turpshme me plehra në emër të popullit që mezi të pret në 25 prill!
LEXO EDHE:
https://gazetamapo.al/basha-denoncon-skandalin-milva-ikonomi-ne-krye-te-bashkise-se-durresit-per-te-firmosur-vjedhjen-me-inceneratoret/
