Një denoncim i radhës dëshmon kalvarin e mundimeve që po kalojnë qytetarët të cilët kërkojnë shërbime shëndetësore që nuk kanë lidhje me Covid-19 në Spitalin Infektiv.
“JOQ” ka publikuar një video ku autori i saj denoncon rastin e së ëmës, që pret prej katër orësh të kryejë dializën. Imazhet tregojnë qartazi edhe reagimin e policisë – efektivët i kërkojnë personit në fjalë të mos filmojë.
“Mamit nuk i ka dalë përgjigja e tamponit për koronavirus dhe pret për të bërë dializën, ajo ka katër orë në ambulancë dhe spitali nuk po bën asgjë. Tani ka kërkuar që të largohet sepse nuk pret dot më”, shkruan qytetari krahas videos.
