Teknologji

Instagrami ridizenjon ekranin e tij bazë për herë të parë në vite dhe njerëzit s’po e pëlqejnë aspak








Bëni LIKE faqen zyrtare në Facebook
               Publikuar në : 15:43 - 14/11/20 |
mapo.al

Instagram-i po bën ndryshime të mëdha të dizajnit në ekranin e tij për herë të parë në vite.


Sot, kompania njoftoi se po shton skedat “Reels” dhe “Shop” në ekranin e tij kryesor.


Skeda Reels, natyrisht, do t’i çojë përdoruesit te Reels, video të shkurtra të ngjashme me TikTok.



Skeda “Shop”, do të shfaqë rekomandime të personalizuara, zgjedhjet e redaktorëve të kuruar nga kanali @shop, video me blerje dhe koleksione të produkteve të reja.


Të dy skedat e bëjnë më të lehtë për njerëzit që të gjejnë atë që duan në platformë dhe të shkojnë atje menjëherë.


Ndërkohë opsioni që të jep mundësinë të postosh një foto të re në feed-in apo profilin e Instagram-it, tashmë është vendosur në fillim të ekranit, djathtas ose ju mund të hidhni një foto të re në të njëjtën mënyrë si postohet një Story.

“Ne nuk i marrim lehtë këto ndryshime. Nuk e kemi azhornuar ekranin kryesor të Instagram në një mënyrë të madhe për një kohë të gjatë”, shkroi kreu i Instagram, Adam Mosseri në një postim në blog. “Por, mënyra se si njerëzit krijojnë dhe kënaqen me kulturën ka ndryshuar dhe rreziku më i madh për Instagram-in nuk është se mund të ndryshojë shumë shpejt, por nëse nuk nuk ndryshon dhe bëhet i parëndësishëm. Ne jemi të lumtur për modelin e ri dhe besojmë se ai i jep aplikacionit një rifreskim shumë të nevojshëm, duke qëndruar besnikë ndaj vlerës sonë thelbësore të thjeshtësisë.”

Fakti që Instagram po angazhohet në një skedë Reels vetëm disa muaj pas fillimit të tij në SHBA dhe jashtë, sugjeron që formati është këtu për të qëndruar. Interesante, IGTV, shtëpia e Instagram për video me forma të gjata, ende nuk ka marrë një skedë të dedikuar të ekranit kryesor dhe është në dispozicion vetëm përmes faqes Discover.

Një arsye tjetër se pse Instagram po i jep kaq shumë përparësi Reels, është edhe për shkak të konkurrentit të tij, TikTok.

Shtesa e blerjeve është më pak befasuese se sa Reels. Instagram ka zhvilluar produktin e tij të blerjeve ndër vite, dhe këtë verë, ajo publikoi një faqe dedikuar blerjeve dhe aftësisë për të përdorur Facebook Pay për transaksione.

Sidoqoftë, njerëzit nuk duken aspak të lumtur me ndryshimet e reja të Instagram.

“Azhornimi i i ri i Instagram-it është kaq i bezdisshëm…”


Etiketa: ,

Pas