Instituti Liberal Pashko, partner lokal i Institutit Friedrich A. v. Hayek, me bazë në Vienë do të marrë pjesë në konferencën Free Market Road Show, organizuar nga Qendra Ekonomike Austriake, në bashkëpunim me më shumë se 100 partnerë nga e gjithë bota. Pjesëmarrësit si think-tank, universitete e qendra kërkimore do të diskutojnë rreth pyetjes nëse ia vlejnë përpjekjet për standardet e reja, që po ndryshojnë çdo fushë të jetës
Instituti Liberal Pashko do të jetë pjesë e Free Market Road Show konferenca më e madhe e këtij lloji organizuar nga Qendra Ekonomike Austriake, në bashkëpunim me më shumë se 100 partnerë nga e gjithë bota.
Instituti Liberal Pashko, partner lokal i Institutit Friedrich A. v. Hayek, me bazë në Vjenë do të marrë pjesë në konferencën që do të mbahet më 8 maj, bashkë me panelistë të tjerë ndërkombëtarë.
Çështja ekonomike dhe kombëtare që do të diskutohet në këtë konferencë lidhet me pyetjen nëse përpjekjet për një standard të ri, ia vlejnë.
Qendra Ekonomike Austriake mendon se ka nevojë të madhe për të parë shkaqet nga burojnë problemet dhe krizat e shumta të kohëve tona, si edhe për të hedhur poshtë shpjegimet të volitshme politikisht. “Vetëm nëse e dimë saktë se cilat janë problemet dhe sesi ato u ngritën, do të jemi në gjendje të gjejmë zgjidhjen e duhur”, shkruhet në uebsajtin e Qendrës Ekonomike Austriake, që njofton edhe mbajtjen e kësaj konference të rëndësishme. “Standarde të reja kanë ardhur në fuqi, në thuajse të gjitha fushat e politikave dhe po ndryshojnë jetët tona, ndonjëherë në mënyrë të dukshme, ndonjëherë në mënyrë të fshehtë, por shpesh në mënyrë të përhershme. Le të eksplorojmë nëse këto standarde të reja ia vlejnë të luftohen”, thuhet më tej.
Free Market Road Show organizohet nga Qendra Ekonomike Austriake në bashkëpunim me mbi 100 partnerë si think-tank dhe universitete në ShBA dhe Amerikën e Jugut, Europë dhe rajone fqinje dhe në bashkëpunim me disa partnerë ndërkombëtare si Rising Tide Foundation, The Krieble Foundation, Americans for Tax Reform, Competitive Enterprise Institute dhe World Taxpayers Associations.
Këtë vit, FMRS do të vizitojë dyzet qytete në Europë, SHBA dhe Izrael. Konferencat e organizuara bashkojnë sipërmarrësit, ekonomistët, diplomatët, vendim-marrësit, gazetarët dhe studentët për t’u marrë me çështjet socio-ekonomike dhe për të gjetur zgjidhje për problemet./Liberale.al
