Interi ka harruar shumë shpejt humbjen ndaj Real Madrid në mesjavë, teksa ka shkëlqyer ndaj Bolonjës me shifrat 6-1 në javën e katërt të Seria A.
Lautaro Martinez hapi festivalin e golave që në minutën e 6-të. Brenda 45 minutëshit të parë shënuan Skriniar dhe Barela.
Ndërkaq, pas pushimit mes pjesëve, Inter ishte sërish ofensive dhe Vesino realizoi për 4-0. E nisi nga stoli këtë duel, por Edin Dzeko ishte vendimtar me dy golat e tij, duke e dërguar në 6-0 avantazhin e Interit.
Në fund, Bolonja gjeti edhe golin e nderit, që nuk i mjaftoi për për të marrë të paktën një pikë. Inter regjistron kështu fitoren e tretë në 4 javët e para, teksa gjendet në vendin e parë me 10 pikë.
