Kryesore

Intervista para 25 vitesh ku Lady Diana tha se Princi e tradhton, BBC do të hetohet








Bëni LIKE faqen zyrtare në Facebook
               Publikuar në : 12:21 - 19/11/20 |
Mapo.al

BBC do t’i nënshtrohet një hetimi të pavarur, për metodat që përdori për të bindur Lady Dianën, që të jepte intervistë për emisionin “Panorama”, ku ajo pranoi se burri i saj, Charli, princi i Wellsit, po e tradhëtonte.



Princi William është shprehur se e mbështet këtë hetim si një hap në drejtimin e duhur.


BBC vetë ka premtuar se do të mësojë të vërtetën dhe për këtë kanë kërkuar që hetimet t’i drejtojë ish-anëtari i Gjykatës së Lartë, Lord Dyson, një nga juristët më të respektuar në vend.



Vëllai i Princeshës Diana ka akuzuar gjithnjë gazetarin e BBC, Martin Bashir se ka përdorur deklarata të rreme bankare për ta bindur atë, për ti dhënë intervistën, që në atë kohë, në vitin 1995 u ndoq nga 25 milionë shikues.



Besohej se martesa e Dianës dhe Charlit kishte mbaruar, dhe Princesha akuzoi Princin SE kishte një aferë me Kamilën.

Lexo edhe :  Shitëset e rrobave online, nën “shënjestrën” e ngacmuesve

Ka qënë pikërisht vëllai i Dianës që e ka bindur atë të flasë, dhe ai thotë se është ndikuar nga “provat” që ka paraqitur gazetari, sikur anëtarë të familjes mbretërore dhe shërbimet sekrete paguanin në media për të dëmtuar imazhin e saj.

Gazetari, 57 vjeç nuk ka komentuar për shkak të komplikacioneve shëndetësore që ka kaluar nga prekja prej koronavirusit.

Hetimi do të konsistojë në 5 pika.

1-Çfarë hapash ndoqi BBC, në veçanti Martin Bashir për të siguruar intervistën, duke zbardhur këtu pagesat e pretenduara prej tij.

2-A ishin këto hapa në përputhje me standardet etike të BBC.

3-Në ç’masë ndikuan këto teknika për ta bindur Dianën që të fliste.

4-Sa ishte në dijeni BBC për metodat që ka përdorur gazetari.

5-Në ç’mënyrë i hetoi vetë BBC këto rrethana?

Gazetari qe mori intervisten, Martin Bashir

/ Marrë nga BBC

1


Etiketa: , , ,

CLOSE
CLOSE
Pas